“Er bod gan y Gaplaniaeth lawer o weithgareddau yn ystod y dydd a gyda’r nos, mae yna gornel dawel bob amser, wyneb cyfeillgar a phaned o goffi i’ch cyfarch pan fyddwch chi’n cerdded drwy’r drysau. Yng nghanol prysurdeb campws y Brifysgol, mae’r Gaplaniaeth yn cynnig hafan lle gallwch chi gymryd seibiant i ymlacio yn ystod eich diwrnod. Mae’r holl staff sy’n gweithio neu’n gwirfoddoli yno mor ymroddedig i’r hyn maen nhw’n ei wneud, ac mae’n wych gallu helpu mewn digwyddiadau fel prydau Ramadan a gwasanaethau carolau lle rydych chi’n cael cwrdd â llawer o bobl newydd o gynifer o wahanol gefndiroedd, gwledydd, ffydd, credoau a diwylliannau, mewn amgylchedd mor hyfryd a hamddenol.

“Ethos y Gaplaniaeth yw croesawu amrywiaeth ac mae tîm y Gaplaniaeth wir yn ymgorffori’r egwyddor hon ym mhopeth a wnânt, gan gynnig amgylchedd cynnes a chroesawgar i’r holl staff a myfyrwyr, a lle cyfforddus i gwrdd ag eraill dros baned o de. Rwy’n argymell mynd i’r nifer o ddigwyddiadau diddorol y mae’r Gaplaniaeth yn eu cynnal, gan gynnwys nosweithiau ffilm, sgyrsiau, darlithoedd a sesiynau hyfforddi. Mae’r Gaplaniaeth hefyd yn cynnull Rhwydwaith Sbectrwm Staff LHDT+, sydd wedi tyfu o ran niferoedd dros y ddwy flynedd ddiwethaf ac sydd bellach yn rhwydwaith ffyniannus sy’n chwarae rhan allweddol wrth hyrwyddo cydraddoldeb LHDT+ yn PDC.”

“Gall mynd i’r brifysgol fod yn gyfnod prysur a heriol iawn yn aml; mae natur arafach y Gaplaniaeth yn rhywbeth i’w groesawu. Mae’r awyrgylch hamddenol a chroesawgar yn creu lle delfrydol i astudio neu i gael seibiant ar ôl darlith flinedig. Gan na fydd y Tŷ Cwrdd ar agor ar gyfer digwyddiadau cymdeithasol yn ystod y tymor hwn, gallwch fod yn sicr y bydd tîm y Gaplaniaeth o gwmpas i’ch helpu pan fydd eu hangen arnoch. Mae’r staff bob amser yn gymwynasgar, gan gynnig atebion pan fydda i’n cael trafferth trefnu digwyddiadau ar gyfer yr Undeb Cristnogol. Diolch am eich holl help.”

“Mae’r Gaplaniaeth yn ‘deulu â’i ddrysau’n agored’. Gan fy mod yn wirfoddolwr brwd yn ôl adref yn Nigeria, rydw i bob amser wedi bod eisiau rhoi help llaw mewn unrhyw sefyllfa y byddaf ynddi. Mae’r Gaplaniaeth wedi cynnig platfform nid yn unig i wasanaethu ynddo ond amgylchedd hyfryd i gwrdd â staff cynnes a chroesawgar, cymwynasgar a gwneud ffrindiau newydd gwych. Fe wnaeth y gefnogaeth gan y Gaplaniaeth fy ngorfodi i ddal ati gyda fy mhrofiad dysgu cymysg yn ystod y pandemig hwn. Ydych chi ymhell o adref ac yn awyddus i ddod i adnabod ffrindiau newydd? Mae’r Gaplaniaeth bob amser ar gael.”

“Mae Cynghrair Undebau Llafur PDC yn falch o gefnogi’r Gwasanaeth Caplaniaeth ym Mhrifysgol De Cymru. Mewn cyfnodau o her a newid, mae’r Gaplaniaeth yn darparu ffynhonnell hanfodol o ofal bugeiliol, cefnogaeth ysbrydol, a chysylltiad cymunedol i staff a myfyrwyr fel ei gilydd. Rydym yn cydnabod y rôl gynhwysol a thosturiol y mae’r Gaplaniaeth yn ei chwarae wrth hyrwyddo lles, urddas a pharch ar draws cymuned ein prifysgol. Fel undebau llafur sydd wedi ymrwymo i degwch a chydymdeimlad, rydym yn gwerthfawrogi cyfraniad y Gaplaniaeth at amgylchedd campws cefnogol a gofalgar.”

“Rwy’n falch o fod yn rhan o gymuned sy’n croesawu myfyrwyr o bob cymuned a chefndir yn fawr iawn. Mae Caplaniaeth PDC yn rhan hanfodol o’n cymuned. Mae’n rhywle lle mae pob myfyriwr yn cael profi caredigrwydd, parch, a chalon agored. Beth bynnag yw eich cefndir, diwylliant, credoau, neu brofiad bywyd, fe gewch chi le diogel yma i siarad, myfyrio, ceisio cefnogaeth, a meithrin cysylltiadau. Mae Caplaniaeth PDC yn ymgorffori’r ysbryd o berthyn sy’n diffinio PDC. Cymuned lle rydych chi’n cael eich croesawu a’ch gwerthfawrogi, a rhywle lle rydyn ni, gyda’n gilydd, yn helpu ein gilydd i dyfu, ffynnu a gwneud gwahaniaeth.”

“Mae Undeb Myfyrwyr Prifysgol De Cymru yn falch bod gennym gymuned amlddiwylliannol amrywiol ar draws pob campws sy’n ceisio creu amgylcheddau diogel a gofalgar lle mae pob myfyriwr yn teimlo eu bod yn cael eu derbyn, eu deall a’u cefnogi waeth beth fo’u ffydd, diwylliant, rhyw neu gyfeiriadedd rhywiol. Rydyn ni’n cefnogi’r gwaith gwych y mae’r Gwasanaethau Caplaniaeth yn ei wneud gyda’n myfyrwyr; maen nhw’n sicr yn rhan hanfodol o fywyd myfyrwyr a’n cymuned ehangach yn y brifysgol.”

“Gall bywyd prifysgol fod yn gyffrous iawn ond hefyd yn eithaf llethol. Mae Gwasanaethau Caplaniaeth PDC yn cynnig lle tawel a chroesawgar lle gall myfyrwyr o bob ffydd, neu ddim ffydd o gwbl, ddod o hyd i glust i wrando arnyn nhw, cefnogaeth a charedigrwydd. P’un ai a ydych chi’n gweithio eich ffordd drwy heriau personol, yn chwilio am arweiniad ysbrydol, neu os oes angen rhywun arnoch i siarad ag ef, gall Gwasanaethau Caplaniaeth PDC helpu, a chynnig lle diogel i fyfyrio a thrafod. Mae llawer o’n myfyrwyr wedi elwa o’r lle, y caredigrwydd a’r cyngor ymarferol cadarn a gynigir iddynt gan ein gwasanaeth Caplaniaeth.”

“Mae’r Gaplaniaeth yn hardd y tu mewn a’r tu allan. Mae’r ystafelloedd yn brydferth ac yn lân iawn. Mae’r staff yn glên, yn garedig, yn gariadus, yn dosturiol, yn hael ac yn gyfeillgar. Rwyf wedi cael y fraint o weithio yno a gofyn am gymorth gan y staff yno pan oeddwn i’n wynebu rhai heriau yn ystod fy astudiaethau a gallaf ddweud yn hyderus eu bod yn gymorth mawr i mi pryd bynnag yr oeddwn o’u cwmpas. Os caf y fraint rywbryd o gael dewis lle i weithio yng Nghampws Trefforest, Prifysgol De Cymru, byddwn yn fwy na hapus i ddewis y Gaplaniaeth. Bendithia Duw Gaplaniaeth Campws Trefforest Prifysgol De Cymru, yn awr ac am byth (amen ac amen).”

“Roedd dechrau fy mywyd yn y DU yn daith a ddilynais ar fy mhen fy hun gan adael fy nheulu a’r pethau oedd yn gyfarwydd i mi ar ôl. Yn ystod cyfnod Ramadan, dechreuais wirfoddoli yn Nhŷ Cwrdd y brifysgol, ac roeddwn i mor ffodus i gwrdd â thîm y Gaplaniaeth. Daethant yn deulu i mi gan fy annog, credu ynof a rhannu’r holl gyfnodau llwyddiannus â mi wrth iddynt ddod yn rhan ohonof, yn union fel fy nheulu. Gan fy mod i’n rhywun sy’n hoffi cwmni, daeth y Tŷ Cwrdd yn lle arall oedd yn gwneud i mi deimlo’n gartrefol. Fe wnes i gwrdd â llawer o bobl a dod o hyd i lawer o ffrindiau da, mae gennyf gymaint o atgofion da o’r Tŷ Cwrdd, sy’n llawn cariad, gofal, chwerthin, mwynhad a hapusrwydd.”

“Y Tŷ Cwrdd oedd y rheswm pam y gwnes i sylweddoli bod yn rhaid i fy mywyd newid; fy ffordd o feddwl, fy ymddygiad ac ati. A minnau’n dod o wlad fach, fyddwn ni ddim yn dweud fy mod mor agored fy meddwl. Mae’r Tŷ Cwrdd wedi fy nysgu bod pob bod dynol yn gyfartal, waeth beth fo’u cefndir, lliw, diwylliant gan nad dyma sy’n diffinio unigolyn. Daeth y Tŷ Cwrdd yn ‘gartref’ i mi yng Nghymru; lle i mi dreulio amser gyda ffrindiau, gwirfoddoli, bwyta, astudio, ymlacio a gweddïo. Rwyf bendant yn argymell y dylai myfyrwyr roi cyfle i’r lle ‘cynnes’ hwn sy’n ein helpu i dyfu, a cheisio dod o hyd i rôl go iawn y lle, sef caru eich cymydog fel chi eich hun.”

“Dros y blynyddoedd, mae myfyrwyr Chwaraeon wedi dod i ddibynnu’n fawr ar dîm y Gaplaniaeth. Mae eu dull proffesiynol a thosturiol wedi darparu cefnogaeth ddiwyro, waeth beth fo’r sefyllfa. Yn bwysig, mae eu gofal bob amser wedi bod yn gynhwysol ac yn hygyrch i bawb.”

“Alla i ddim dechrau dweud wrthych chi pa mor gynnes, agored a chroesawgar yw’r Tŷ Cwrdd. Gan fy mod yn rhan o’r gymuned LHDT+, roeddwn i wedi arfer tybio bod lle sy’n gysylltiedig â chrefydd yn wynebu heriau gyda fy hunaniaeth, ond nid yw hyn yn wir o gwbl o ran y Tŷ Cwrdd. Mae ein cyfarfodydd LHDT+ yn cael eu cynnal yma, yn ogystal ag amryw o sgyrsiau a digwyddiadau LHDT+. Nid dim ond cael fy ‘ngoddef’ yma ydw i. Rydw i’n cael fy nghefnogi’n frwd. Rydyn ni fel prifysgol mor ffodus i gael lle fel hyn ar y campws!”

“Mae’r Gaplaniaeth yn deulu mor gynnes a chroesawgar. Rydw i wedi defnyddio’r Tŷ Cwrdd ar gyfer digwyddiadau ac wedi mynd i gynifer o achlysuron yno hefyd. Mae gan y Tŷ Cwrdd ystafelloedd addas ar gyfer pob math o ddigwyddiadau. Fe wnes i fwynhau bob eiliad yn y Tŷ Cwrdd! Roedd y croeso cynnes a’r teimlad o berthyn yn gwneud i’r adeilad deimlo fel cartref.”